العاطفة المجرمة

بعرف مرا إحساسها فاني
عاشت بشهوتها بشكل ثاني
مطرح عواطفها وأمومة طهر
شوك العهر فيها نبت جاني
شو هالقلب ما كان يحمل عذر
حتى نعدوا قلب انساني
مزروع ببذور الفسق والعهر
تا فرّخ الجرم بقلب جاني
كان التخت كلو دفى وسرور
وشرشف الشهوة نار شعلاني
وليلة هنا خلّت صباح النور
يطلع بصورة كثير حزناني
ومن بعد ما مرّت عليها شهور
حِملت بطفل بأمر رباني
بس الزنا في شرعنا محظور
وأقبح جريمة بأطهر ديانة
بكتاب الله اللي طهر مسطور
الزانية سبقت على الزاني
بيوم الولادة قتِل هالمولود
بأبشع جريمة وبذنب مقصود
خافت ذنبها ينكشف للناس
ونسيت يديها عند الله شهود
وبعاطفة إمو اللي فيها انحف
لازم تلفّو بغمرة العفة
مش بالملفة اللي بأساها إلتّف
والحاوية تضمو بالملفة
إنتي يا إمو إل فاقدة الإحساس
سلبتي حياته وطهرها الصافي
معقول خفتي يكشفوكي الناس
ومن ربنا ما همِّك تخافي
وين المفر من القدر لو حل
وزارك غضب الله وأمر حقه
إن شاء الله يديكي بجرمها بتنشل
منك تياخذ هالطفل حقو
طفل الجريمة والجريمة إم
عيبة بوصف إلام أوصفها
لكن ما خليتي حكي عالثم
تا يستر الكلمة ويناصفها
إن شاء الله غضب الله عليكي يتم
للناس من هالخفى يكشفها
ولما بلعنة ذنبك تموتي
باب القبر ما يقبل تفوتي
ويظل عارك كاشفو من الستر
وتايسترو ما تفتح بوابو
وما يسترك يخجل تراب القبر
وما يعود في عندو حنين وصبر
وما يلوِّث تراب الطهر بالعهر
وكل ما لمس جسمك تراب الطهر
يخجل ع حالو ويقذف ترابو
ويغسِّل ثيابو بدموع القهر
تا يمسح العار إل إجى وصابو
ولولا إنتسيتي من حساب البشر
الله ما رح ينساك بحسابو
وما رح تلاقي مخرج ولا مفر
لما ع جرمك يكتب عقابو

رووووووووووووووووووووووووووووووووووووووووووووووووووووووووووووووووووووووووووووعة
يسلم هالثم الي مطلع هالروعة الى الامام

رووووعه بس ياريت فالمرات القادمه تكبر خطك لأنو على هيك رح افصل نظاره

تسلم يا كبير وحيات عيونك الخط 18 ، اكبر من هيك بكون بجد عندك مشكلة ولازم تركب نظارة يا صديقي

ههههههههههههههههههههههه
اقنعتني

انا اعجب بقلمك اخي عبد الله وبندمج في الزجل الي بطلع من تحت ايدك

تسلم يا غالي