الوحدة العربية أمانة
لازم تتحقق جوانا
تبقى قلوبنا على بعضينا
يصبح نصر المولى معانا
الوحدة العربية أمانة
لازم تتحقق جوانا
ياخواتي انتم أهلي وناسي
رح اشيلكم على عيني وراسي
أنا فاكر على طول مش ناسي
انتو قلوب بالخير مليانة
الوحدة العربية أمانة
لازم تتحقق جوانا
ياللا نكلم بعض شوية
ونقول المشكلة إيه هيه
رح نتحمل بعض شوية
لو بينا وبين بعض أمانة
الوحدة العربية أمانة
لازم تتحقق جوانا
أصلنا واحد مش أصلين
شوفوا لغتنا وشوفوا الدين
وافتكروا ف بدر وحطين
بالوحدة كنا اعلى مكانة
الوحدة العربية أمانة
لازم تتحقق جوانا
ياللا نفكر ف المستقبل
نرسم بكرة بشكله الأجمل
نجبر كل العالم يقبل
صوت الحق ف دق خطانا
الوحدة العربية أمانة
لازم تتحقق جوانا
ليه أموالنا مش ف ايدينا
سايبينها ف ايدين أعادينا
يتحكموا ليه فيها وفينا
والأرض بتنده عطشانة
الوحدة العربية أمانة
لازم تتحقق جوانا
عايزين نعمل سوق مشتركة
يكتر فيها الخير والبركة
بين أقطارنا تزيد الحركة
يبقى الخير بينَّا وويانا
الوحدة العربية أمانة
لازم تتحقق جوانا
ياللا نكسر كل قيودنا
ونفتح لاحبابنا حدودنا
يرجع أصل ومعنى وجودنا
ترجع عزتنا المنصانة
الوحدة العربية أمانة
لازم تتحقق جوانا
نفسي أزور الوطن العربي
شرقي، شمالي،جنوبي وغربي
من غير تصاريح تقطع دربي
واللا حروب على طول خسرانة
الوحدة العربية أمانة
لازم تتحقق جوانا
مد ايديك تمسك ف ايديا
ف المغرب والدوحة وسوريا
في القدس وصنعاء وف ليبيا
وف مكة نسبح مولانا
الوحدة العربية أمانة
لازم تتحقق جوانا
أنا مصري وعراقي وليبي
وعماني وموريتاني حبيبي
وكويتي وأردني أو قطري
تونسي وجزايري أو قمري
بحريني ومغربي وصومالي
وسوداني ولبناني دا خالي
وسعودي ويمني وجيبوتي
سوري فلسطيني وإماراتي
بقلوب بالأشواق دفيانة
عايزين وحدة تهد عدانا
الوحدة العربية أمانة
لازم تتحقق جوانا
عايزين نعمل وحدة كبيرة
لاجل نلملم شمل الجيرة
المسألة دلوقتي خطيرة
يانكون.....يالعالم ينسانا
الوحدة العربية أمانة
لازم تتحقق جوانا