شـــرف الــعائــلة !!

ابدا كلماتي بــ بسم الله الرحمن الرحيم حابه اتناقش معكو بموضوع كتير كبير عم نسمع ومنقرا على صفحات الجرائد والصحف وفي وسائل الاعلام عن مقتل امراة او فتاة بعمر الورد على خلفية ما يسمى بـــ شــرــف الــعــا ئــلــة وان هذة العائلة قد غسلت شرفها بالدماء التي اريقت !! فهل يا ترى يغسل العار بالعار ؟؟ سؤالي يلي عم وجهو لالكو انتو مع القتل بما يسمى شرف العائلة ام ضد ؟؟ بتمنى الرد من جميع الاعضاء وتحياتي للجميع

بس لو الاهل مربين اولادهم على الدين الاسلامي عمرو ما رح يصير هيك شي

انا من ناحيتي بحمل الاهل الامسؤلية يعني بعد ما بنتك تصيع ودور على راسها تصير بدك تغسل شرف العيلة

لو ان الاهل مربين بناتهم صح مش رح توقع العيلة في مشكلة زي هاد

اصحاب النميمة هم السبب المباشر في اغلب الاحيان الذي يؤدي الى ارتكاب جرائم الشرف العائلي
هناك كثير من الفتيات يسقطن ضحايا على ما يسمى شرف العائله وبعد قتلهن وبعد تحليل الجثث لتلك الفتايات تخرج النتيجه انهن في غاية الشرف اي ان كل واحدة فيهن عذراء من وراء هذه القصص والإختلاقات والتدخل في اعراض الناس لكن ايض لاألوم هؤلاء النمامين فقط بل الوم أيضن الأهالي الذين يصدقون كل ما يقال عن بناتهم واعراضهم عدم الثقه بالبنات يدمر كل ما قد بني حيث ان ألسن الناس طويله وغيرهم يقذفو بالمحصنات لأنه حسب المثل الذي يقول الي ما بطول العنب بقول عنه حصرم

ازا بدنا اندقق كتير على هيك موضوع مهم منلاقي انه مربوط بالعادات والتقاليد اللي اورثناها من اجدادنا بس هالشي كتير غلط لانه لو بدنا نرجع للدين تبعنا منلاقي انه القتل حرام وانه ربنا يلي بحاسب الانسان ومو نحنا , برايي انا انه هالشي كتير عملية اجرامية بكل معنى الكلمة ومهما كان الغلط كبير مو لازم انداوي الغلط بالغلط وكمان انه نرجع للعادات القديمه كمان غلط .. كمان بحب ضيف ع رايي انه نحنا بمجتمع ذكوري يعني شو ما عمل الشاب ما بيجي شخص يحاسبة ع الغلط يلي اقترفه بس الدين تبعنا ما حدد انه الفتاه تعاقب والشاب ..

عدم وجود الثقافه العامه في تربية الأولاد والثقة بالشاب اكثر من البنت هذا ما سيقود المجتمع الى الهاويه

موضوع جدير بالاهتمام وجدير بالمتابعة لانو موجود بكل شخص وكل اسرة وكل بلد
صحيح انو الدين اشي اساسي الا انو هاي الايام اشي ثانوي وللاسف ما حدا ماشي عليه صح _خحتى انا_ وكذلك العادات والتقاليد ما حدا ملتزم فيها كما يجب وما حدا بيطورها او مستعد يفهم من وين جاي ولوين رايحة وشو الهدف منها وللاسف اذا بتسال واحد شو العادات في بلدكم بيقولك عادي وهذا جواب حلو لانو هواء في هواء
من هذا المنطلق انا بسال ليش بتصير حوادث _شرف العيلة_ اذا كنا ملتزمين بالدين والعادات والتقاليد ؟؟
وكمان في اشي حلو جدا وهو انو الشب بيستحي يطلع ع الشارع باللباس الاسلامي مع انو ساتر العورة دينيا في حين ان البنت اذا بتطلع لابة _ ع كيف كيفك وكيفي_ بنقول عنها امورة ومزة واكيد ماما نحلة ....الخ وما حدا بيعارض بالعكس الكل بدو يتفرج وبمنى يحكي معها _ الله اعلم بالنية_
باعتقادي من هنا تبدأ المصائب.
وشكرا لطرحك هذا الموضوع زميلتي ليليان