مدرسة بنات كفرعين _ والنظافة والطلاب والخطر

مرحبا

يا جماعة اللي سمع سماعة الجامع سمع واللي ما سمع اكيد حدا حكاله او علق ع الاقل
النداء في السماعة اللي للجامع كان يقول " وتعاونوا على البر والتقوى " وقال بنهيب باهلنا اهل النخوة والمحبة والاصلاح والشباب والكبار والصغار انهم يتساعدوا بازالة بقايا الحديد والاحجار ووووو... من ساحة المدرسة لانوا هاظ الاشي بشكل خطر ع الطلاب
المهم انا تابعت الموضوع وقلت اللي بيساعد هالناس ممكن الله يكتبلوا اشي منيح ...
والمفاجأة انو عدد الحاضرين 3 اشخاص واحد جاي عشان في جمعة اكيد رح يحصلو اكمن سيجارة بما انو فقير واثنين مشخصين على كيف كيفك يعني بنقدر نقول انهم متفرجين على الجمهور .... بس يا جماعة وين الجمهور .... الله اعلم
اذا احنا ما بدنا نفيد حالنا واولادنا ومدرستا وتعليم اولادنا ومستقبلهم مين بدو يفيدهم .... جحا؟؟
فيا ريت نتخلى شوي عن انانيتنا مع انها لمصلحة الجميع هاي الشغلة ونتواضع شوي ونبني ولو طوبة لمستقبل هالاولاد
وملاحظة بتستفزني انو في لكل عيلة كبار ما شاء الله واللهم لا حسد اذا صارت طوشة بتلاقيهم متجمعين فوق الـ 100 في الدقائق الاولى غير الوافدين " الاجانب"
فانتقادي انو يا اهل البلد اذا المشاكل والاشي الفاضي واللي بضر في فينا بتتجمعوا .... فعيب وخسارة انكم على اشي للمصلحة العامة ما حدا بيطل

شو راي الاعضاء ؟؟؟؟؟؟؟؟؟؟؟؟؟؟

يا اخي موضوعك حلو كثير ، المشكلة انه الكل بركن عالثاني ، وبتصفي في الاخر كم واحد وهاي المشكلة الكامنة بداخلنا ، بعدين فلان بحبش فلان وفلان بطقش فلان واللي رايح في ادراج الرياح الطلاب الصغار او لادنا مش غرب عنا بس للاسف فش مسؤولية واحساس فيها عنا ..

والله يا معلم وانت الصادق ...الواحد منا ما بعرف ابنو غير لما يشوفو قدامو
واذا مات بدو يتمصرف بالدية
.يلاااااااااااااااااااااا ليلة وبعيدها

اطلبً العلم ولو في الصين ،وتعاونوا علي البر والتقوي لافرق بين عريي واعجمي الا بالتقوي